Франциянинг янги ҳукумати таркиби маълум қилинди

Жаҳон 18 Май 2017 4202
Фото: EPA/CHRISTOPHE PETIT TESSON

Франциянинг янги бош вазири этиб тайинланган Эдуар Филипп томондан шакллантирилган мамлакатнинг янги ҳукумати таркиби Парижда эълон қилинди. Вазирлар рўйхатини Елисей саройи бош котиби Алекси Колер маълум қилди. 

Вазирлар маҳкамасининг янги таркибидан 22 киши жой олди: 18 вазир ва 4 нафар давлат котиби. Улардан 11 нафари эркак ва 11 нафари аёлни ташкил қилади. Улардан 3 нафари давлат вазири махсус мақомини олишди. Булар Лион мэри, Социалистик партия сафидан бўлган нуфузли сиёсатчилардан бири Жерар Колон, у ички ишлар вазири этиб тайинланди; француз "яшиллари"нинг кўп йиллик етакчиси Николя Юло, у экологик ўтиш вазири лавозимини олди; "Демократик ҳаракат" етакчиси Франсуа Байру, у адлия вазири лавозимини олди.

Аввалги ҳукуматдан янги ҳукуматга ўтган ягона вакил Жан-Ив Ле Дриан – собиқ президент Франсуа Олланднинг яқин сафдошларидан бири бўлди. Янги ҳукуматда у Европа ва хорижий ишлар вазири лавозимини олди. 

Франция мудофаа вазири лавозимини эса Ле Дриан ўрнига Сильви Гулар эгаллади. У 2007 йилдан бери бу лавозимни эгаллаётган илк аёл бўлди. Шу билан бирга мудофаа вазирлиги номи ҳам ўзгарди, энди у қуролли кучлар вазирлиги деб аталади. 

Франция иқтисодиёт вазири лавозими Брюно Ле Мэрга насиб қилди. Меҳнат вазири этиб партиясиз Мюриэль Пенико тайинланди. 

Франциянинг янги ҳукумати 7 майда ўтган президентлик сайловларидан кейин шакллантирилди. 15 май куни Франциянинг янги президенти Эмманюэль Макрон янги бош вазир этиб Гавр шаҳри мэри Эдуар Филиппни тайинлади ва унга 16 майгача вазирлар маҳкамасини шакллантириш вазифасини топширди. 

Янги вазирлар маҳкамаси бир ойдан сал кўпроқ, Миллий йиғилишга (парламентнинг қуйи палатаси) сайловлар ўтгунча ишлайди. Бу сайловлар 11 ва 18 июнь кунлари ўтади ва унинг натижаларига кўра, янги ҳукумат истеъфога кетказилади.  

Агар Франция парламентига сайловларда Макрон блоки ютса, унда янги ҳукумат истеъфога кетгандан кейин яна аввалги таркибда йиғилади.  

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 16031 Lifestyle
KUN.UZ Тошкент вилоятига ташриф буюради. Савол ва таклифлар қабул қилинмоқда
00:08 / 20.08.2017 12016 Ўзбекистон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 47517 Жамият
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 21625 Ўзбекистон
Kun.uz Сирдарё ҳокими билан учрашади. Аҳолидан саволлар қабул қилинади
18:40 / 16.08.2017 8985 Ўзбекистон
21 августдаги қуёш тутилиши қачон бошланади
KUN.UZ хайрия акцияси: Жаҳонгирнинг бир оёғида операция ўтказилди, йигит барчадан миннатдор
19:03 147 Жамият
Анатолий Антонов Россиянинг АҚШдаги элчиси лавозимига тайинланди
19:01 231 Жаҳон
Ҳаётни мураккаблаштирувчи 10 хато
19:00 828 Lifestyle
Андижон шаҳрида 12 та байрам олди ярмаркаси иш бошлади
18:55 135 Жамият
Кўпроқ янгиликлар