Соғлиқ учун энг хавфли ижтимоий тармоқ номи маълум қилинди

Технология 19 Май 2017 20621

Британиялик олимлар Instagram'ни саломатлик учун энг хавфли ижтимоий тармоқ деб топишди. Қиролликнинг RSPH ижтимоий саломатлик маркази ва Ёшлар саломатлиги ҳаракатининг жума куни тақдим этилган маърузаси шундан далолат бермоқда. 

Тадқиқотчилар 14-24 ёшдаги 1479 кишини сўроқ қилишди. Ёшлардан уларнинг севимли ижтимоий тармоқлари ҳақида сўраб, уларнинг ҳар бирини бир неча калит сўзлар билан баҳолашни таклиф қилишди - масалан, "ёлғизлик", "депрессия", "ташвиш", "майнавозчилик", "ташқи имиджни яратиш". Умумий ҳисобда ҳар бир респондентга 14 тадан савол берилди. 

Тадқиқот доирасида YouTube, Instagram, Snapchat, Facebook ва Twitter ижтимоий тармоқлари таҳлил қилинди. Ушбу рўйхатдагилар орасида энг ижобий имидж YouTube'га тегишли - у ёшлар онгига "энг позитив таъсир" кўрсатган тармоқ сифатида эътироф этилди. Ундан кейинги ўринларда Twitter ва Facebook. Фойдаланувчилар томонидан энг кам ижобий баҳоланган тармоқлар Snapchat ва Instagram бўлди. 

Ҳисобот муаллифларига кўра, 16-24 ёшлиларнинг 91 фоизи интернетда ижтимоий тармоқлардан фойдаланишади. 

"Ўрганиш нуқтаи назаридан, ижтимоий тармоқлар тамаки ва спиртли ичимликлардан-да хавфлироқ. Сўнгги 25 йил ичида ёшлар орасидаги депрессия ҳолатлари 70 фоизга ошди. Безовталик, депрессия ва уйқусизлик  даражасининг ошиши ижтимоий тармоқлар билан боғлиқ", - дея таъкидлашмоқда олимлар.

Кун янгиликлари
Шавкат Мирзиёев экспорт соҳасидаги камчиликлар учун қатор раҳбарларни огоҳлантирди
21:49 / 27.06.2017 20609 Ўзбекистон
Ноқонуний интернет: турли мамлакатларда қандай хизматлар блокланган
19:00 / 27.06.2017 15677 Технология
Ўзбек футболига қарғиш текканми?
16:17 / 27.06.2017 38725 Спорт
Иқбол Мирзо: “Ҳар ерда Ўзбекистон биз билан!..”
JICA ва Соғлиқни сақлаш вазирлиги янги лойиҳага қўл уришди
Мадҳияни астойдил айтмайдиган филиппинликларга жарима солинади
22:01 142 Жамият
Газ ва электр тўловлари Ўзбекистон аҳолиси ойлик маошининг 7,5 фоизини ташкил қилади
Германияда дунёдаги илк горизонтал ҳаракатланувчи лифт синовдан ўтказилди
Дайжест: коммунал қарздорлик муҳокамаси, вазирликнинг шубҳали танлови, “таслим этилган” Telegram ва куннинг бошқа хабарлари
21:46 2970 Жаҳон
Тишланган қулоқ воқеасига 20 йил бўлди (фотожамланма)
21:40 3938 Спорт
Кўпроқ янгиликлар