Трамп Исроилдаги элчихонанинг Ал-Қудсга кўчирилишини кейинга қолдирди

Жаҳон 01 Июнь 2017 2053
Фото: EPA/SHAWN THEW

АҚШ президенти Дональд Трамп АҚШнинг Исроилдаги элчихонасининг Тель-Авивдан Ал-Қудгса кўчирилишини навбатдаги марта кейинги қолдирди. Бу ҳақда Трамп томондан давлат котиби Рекс Тиллерсонга йўлланган меморандумда айтилган.

Трамп ҳужжатда ўз қарорини "АҚШ миллий хавфсизлиги манфаатларини" ҳимоя қилиш зарурлиги билан тушунтирган. Трамп Тиллерсондан қабул қилинган қарор ҳақида АҚШ конгрессини хабардор қилишни сўраган. Оқ уй матбуот хизматида таъкидланишича, Трампнинг бу қарорига қарамай, "бу қадам Трампнинг Исроилни ва АҚШ-Исроил альянсини қатъий қўллаб-қувватлаш қароридан воз кечишини" англатмайди.

"Президент Трамп бу қарорни АҚШнинг миллий хавфсизлиги манфаатларини ҳимоя қилиш борасидаги муқаддас бурчини бажарган ҳолда, Исроил ва Фаластин ўртасидаги музокараларни муваффақиятли ўтказиш имкониятларини максималлаштириш сабабли қабул қилди", деб таъкидланди Оқ уйда. 

АҚШнинг элчихонасини Ал-Қудсга кўчириш ҳақидаги қонун 1995 йилда маъқулланган. Бироқ, Яқин Шарқдаги вазиятни янада кескинлаштириши мумкин бўлган қадамлардан қочиш мақсадида, ўша пайтдаги АҚШ президенти Билл Клинтон ўз ваколатларидан фойдаланиб, қонуннинг татбиқ қилинишини қолдириб келган.

Шундай сиёсатни кейинги президентлар Кичик Жорж Буш ва Барак Обама ҳам юргазганлар.

Бироқ Трамп ўзининг сайловолди кампаниясида элчихонанинг кўчирилишини фаол қўллаб-қувватлаган. 

Ал-Қудс мақоми Фаластин-Исроил ихтилофидаги бош муаммолардан бири саналади. Исроилликлар шаҳарнинг шарқий қисмини 1967 йилдаги урушда босиб олишган. Улар Ал-Қудс Исроилнинг "ягона ва ажралмас" пойтахти деб ҳисоблаб келишади. Фаластинликлар эса шаҳарнинг босиб олинган шарқий қисмини ўз давлатлари пойтахти қилишни истайдилар.

Кун янгиликлари
Қўшимча-контракт асосида ўқишни истайдиганлар нима қилиши керак?
11:30 / 18.08.2017 48791 Ўзбекистон
Судьянинг нохолислиги ёки давлат телеканалининг “шохи” борми?
19:21 / 17.08.2017 102248 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 48473 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 52773 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 9781 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 20476 Ўзбекистон
АҚШ ИШИДни мағлуб қилгандан кейин Сурияни тарк этишга ваъда берди 
08:05 1000 Жаҳон
Барселонадаги терактга алоқадор бўлган барча террорчилар йўқ қилинди
07:52 843 Жаҳон
Олий лига. «Локомотив» ғалаба қозонди, «Насаф» «Бунёдкор»га ютқазди
07:43 787 Спорт
Трампни руҳшуносга юбориш таклиф этилди
07:32 1844 Жаҳон
Кўпроқ янгиликлар