Эрон пойтахти Теҳрон метросида иккита поезд тўқнашиб кетиши оқибатида 48 киши жароҳат олди. Бу ҳақда Эрон соғлиқни сақлаш вазирлигига иқтибос келтирган ҳолда Tasnim ахборот агентлиги хабар бермоқда

Авария 6 июнда маҳаллий вақт билан соат 18:15да Теҳрон метросининг иккинчи йўналишидаги "Тарашт" станциясида юз берган.

Станция платформасида турган поездга унинг ортидан келаётган поезд келиб урилган.

Жароҳатланганлардан 40 нафари шифохонага етказилган, улардан баъзилари жиддий жароҳатлар олганлар.

Воқеа сабаблари аниқлаштирилмоқда.