Eron poytaxti Tehron metrosida ikkita poyezd to‘qnashib ketishi oqibatida 48 kishi jarohat oldi. Bu haqda Eron sog‘liqni saqlash vazirligiga iqtibos keltirgan holda Tasnim axborot agentligi xabar bermoqda.
Avariya 6 iyunda mahalliy vaqt bilan soat 18:15da Tehron metrosining ikkinchi yo‘nalishidagi "Tarasht" stansiyasida yuz bergan.
Stantsiya platformasida turgan poyezdga uning ortidan kelayotgan poyezd kelib urilgan.
Jarohatlanganlardan 40 nafari shifoxonaga yetkazilgan, ulardan ba'zilari jiddiy jarohatlar olganlar.
Voqea sabablari aniqlashtirilmoqda.