Душанбеда вояга етмаганларнинг тунда кўнгилочар масканлар ва интернет-кафеларга кириши тақиқланди

Жамият 09 Июнь 2017 2180

Душанбе ҳокими Рустам Эмомали вояга етмаганларнинг тунги вақтда кўнгилочар марказлар ва интернет-кафеларга киришини тақиқлади. 6 июнь куни шу мазмундаги қарор қабул қилинди. Қарор вояга етмаганларнинг манфаатини ҳимоя қилиш, улар томонидан қонунбузарликлар содир этилишининг олдини олиш ҳамда Тожикистон президенти фармонларини бажариш мақсадида имзоланган. Бу ҳақида ҳокимнинг матбуот хизматида хабар берилди. 

Р.Эмомали пойтахтдаги барча кўнгилочар марказлар ва интернет-кафеларга киришда тақиқлов эълонини осиб қўйишни талаб қилди. 

Таъкидлаш жоизки, энди кўнгилочар масканлар ва интернет-кафеларга киришда паспорт ва шахсни тасдиқловчи бошқа ҳужжатларни кўрсатиш керак бўлади.

Ҳоким Тожикистон ИИВнинг Душанбе бошқармасига тунги вақтларда кўнгилочар марказ ва интернет-кафеларга кирадиган вояга етмаганларни аниқлаш бўйича чора-тадбирлар кўришни, шунингдек болаларнинг ота-оналарини тегишли жавобгарликка тортиш вазифасини топширди. 

"Барча фуқаролардан 20 ёшга етмаган болаларнинг тунги вақтда кўнгилочар марказларга боришини тақиқлашни сўраймиз", - дейилади ИИВ сайтида. Манбага кўра, тақиқловда соат 18:00дан кейинги вақт назарда тутилган.

ИИВ сайтига кўра, ўтказилган текширувлар ҳар куни тунда биргина Душанбенинг ўзида юз нафаргача бўлган ўсмирлар шундай масканларда бўлишини кўрсатган. "Ота-онанинг эътиборидан четда қолаётган болалар қонунга қарши хатти-ҳаракатларни амалга оширишмоқда", - деб ҳисоблашади вазирликда. Юқоридаги талаблар бажарилмаган тақдирда ота-она жавобгарликка тортилади, дея огоҳлантирмоқда ИИВ.

Кун янгиликлари
Судьянинг нохолислиги ёки давлат телеканалининг “шохи” борми?
19:21 / 17.08.2017 83275 Жамият
“Менга ҳаловат йўлини кўрсатинг...”. Тўй қилиб қарзга ботган ота уламоларга юзланди
16:00 / 17.08.2017 42885 Жамият
Хорижга чиқиш учун биометрик паспортнинг амал қилиш муддати неча йил бўлади? 
12:01 / 17.08.2017 49303 Ўзбекистон
Parus оилавий марказида хоррор-квестлар, лазерли отишма ўйини ва бошқа янгиликлар тайёрланди. Марҳамат
10:14 / 17.08.2017 8382 Lifestyle
Давлат ва ОАВ: Ахборот майдонида монополияга чек қўйиш вақти келди
22:00 / 16.08.2017 19364 Ўзбекистон
Италиянинг давлат қарзи рекорд қийматга етди
Олий лига. «Пахтакор» Самарқандда очко йўқотди
21:12 980 Спорт
Ўзбекистон ва Қирғизистон томони туризм соҳасида алоқаларни чуқурлаштиришга келишиб олишди
Канада авиакомпанияси самолётининг 200 дан кўпроқ йўловчиси багажсиз қолди
21:00 892 Жаҳон
Ўзбекистон ТИВ раҳбари португалиялик ҳамкасбига мактуб йўллади
Кўпроқ янгиликлар