Россиянинг Венадаги халқаро ташкилотлардаги вакили Владимир Воронков БМТ бош котиби ўринбосари мақомида БМТнинг аксилтеррорчилик бошқармасига раҳбар этиб тайинланди. БМТ бош котиби Антониу Гутерреш бу тайинловни 21 июнда амалга оширди. 

Гутерреш 20 июнда БМТнинг террорчиликка қарши курашиш бўйича янги бошқармасига раҳбар жорий ҳафтада тайинланишини маълум қилганди. БМТ Бош ассамблеяси 15 июнда БМТнинг террорчиликка қарши курашиш бўйича янги бошқармаси таъсис этилиши ҳақида қарор қабул қилганди.

Янги бошқармага сиёсий масалалар департментидан террорчиликка қарши курашиш офиси ва террорчиликка қарши курашиш мақсадли гуруҳи ҳамда уларда ишловчи ходимлар ўтказилади.