Қобил қори Одилжон ўғли: “Ҳайит мотам эмас, хурсандчилик кунидир”

Жамият 25 Июнь 2017 46348

Кун.uz’нинг “Рамазон туҳфаси” лойиҳаси доирасида дин уламолари билан олиб борилаётган файзли суҳбатларни давом эттирган ҳолда галдаги меҳмонимиз Тошкент шаҳридаги "Камолиддин Ориф – Ал Бухорий" жоме масжиди диний ходими Қобил қори Одилжон ўғли бўлди. У киши билан кечган суҳбат Рамазон ҳайитини муносиб кутиб олиш, унинг одоблари ва шу мавзу атрофида кечди.

“Ҳайит одобларига риоя этишда, унинг ҳурматини жойига қўйишда Пайғамбаримиз Муҳаммад (с.а.в) жуда катта ўрнак бўла оладилар. У кишининг таълимоти бўйича Ҳайит намозига борадиган пайт, Ийд кунларини ўтказаётган вақт киши пок, хушрўйсифат ва чиройли сийратли бўлиш керак. Расули Акрам (с.а.в)нинг ўзлари ҳам бу борада намуна бўла олганлар. Пайғамбаримизнинг одатларидан бири шу эканки, у киши Ҳайит намозига бир йўлдан борсалар, уйга қайтаётганларида бошқа йўлдан келар эканлар. Бунинг боиси у киши бу кунда кўплаб инсонларни байрам билан муборакбод этишни истарканлар.

Аммо сўнгги вақтларда аксари одамлар Ҳайит байрамини нишонлашни асл моҳиятини тушунмай, турли бидъат ишларга қўл уриб қўймоқдалар. Бунга мисоллар кўп. Шулардан бири мусибатли, азали уй соҳиблари томонидан бу кунда дарвоза олдида дастурхонлар ёзилиб, беш-ўн одам белларини боғлаб, эшик олдида туришларидир. Бу ҳолатлар уч кунлаб давом этиш ҳолатларини ҳам кузатяпмиз. Бундан ташқари, бу кунда аёлларимиз йиғи-сиғи қилиб, жоҳилият пайтида қолиб кетган амалларни қилишаётгани ҳам киши кўнглини ғашлайди.

Шуни унутмаслик керак-ки, Ҳайит куни хурсандчилик куни, оила аъзолари билан чиройли кутиб олинадиган кун. Бу кунда болажонларнинг кўнглини олиш, беморларни бориб кўриш ва шу каби хайрли ишларни амалга ошириш талаб этилади.

Қобил қори Одилжон ўғли билан бўлиб ўтган суҳбат давомида Ийд кунлари ҳар бир мўмин-мусулмон очиқ чеҳрали, ширин сўзли бўлишлиги, гиналар унитилиб, дўстлик қайта тикланиш зарурлиги, одамларнинг кўнгли овланиб, уларга яхши тилаклар билдириш кераклиги ҳақида сўз юритилди.

Кун янгиликлари
«Qorako'l Ziyo-Nur» ўқув маркази ўқувчиларининг 92,6 % талабалар сафига қабул қилинди
08:17 12241 Lifestyle
Ҳафта дайжести: 50 минг сўмлик пул, мактаб формаси, бепарво МИБ, қотил ушланди, кирилл-лотин машмашаси, Барселонадаги теракт...
00:16 26218 Жаҳон
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 46261 Жамият
Кун.uz офис изламоқда
15:48 / 06.08.2017 47312 Lifestyle
Ўзбекистон ва Қозоғистон ўртасида биринчи марта Ҳарбий ҳамкорлик режаси имзоланди
АҚШда ўлмайдиган бактериялар солинган ҳаво шарлари учирилади
15:18 38 Жаҳон
22 август куни Ўзбекистонда ҳаво ҳарорати юқори бўлади
АҚШ элчихонаси россияликларга виза беришни тўхтатади
14:53 1372 Жаҳон
Брюсселда автомобилни пиёдаларга қарата ҳайдаб боришга уринган ҳайдовчи ушланди
14:03 1646 Жаҳон
Комилов Деҳлида Ҳиндистон фан ва маданият арбоблари билан учрашди
Кўпроқ янгиликлар