Ёшлар учун танлов эълон қилинди

Жамият 14 Июль 2017 9247

Ўзбекистон Республикаси Мустақиллигининг 26 йиллиги байрами муносабати билан Ўзбекистон Ёшлар иттифоқи Учтепа туман Кенгаши томонидан ёшларнинг ижоди ва иқтидорини ривожлантиришга қаратилган танлов эълон қилинди. 

Мустақиллик байрами муносабати билан “Фидойинг бўлгаймиз сени, Ўзбекистон!” шиори остида тумандаги иқтидорли ёшларнинг Ватан, мустақиллик ва ота-она каби муқаддас туйғуларни мадҳ этган энг яхши шеър ҳамда мақолалар танловига ҳужжатлар қабул қилиш бошланди.

Танловда иштирок этиш учун ҳеч қандай чекловлар қўйилмаган.

Танловда иштирок этиш истагида бўлганлар юқоридаги мавзуларда ўз ижод намуналарини Ўзбекистон Ёшлар иттифоқи Учтепа туман Кенгашига жорий йилнинг 10 августига қадар топширишлари мумкин.

Танлов ғолибларининг шеър ва мақолалари Мустақиллик байрами арафасида “Фидойинг бўлгаймиз сени, Ўзбекистон!” номли тўпламда нашр этилиши режалаштирилмоқда.

Кўпроқ янгиликлар