Сеул маъмурияти Пак Кин Хе жиноятларининг янги далилларини топгани ҳақида баёнот берди

Жаҳон 17 Июль 2017 3472
Фото: ТВ Центр

Жанубий Корея президенти Мун Чжэ Ин маъмурияти аввалги давлат раҳбари Пак Кин Хе ва унинг ёрдамчиларининг ҳаракатлари қонунга зид бўлганини исботловчи янги далилларни топгани ҳақида баёнот берди. 

Ёнхап агентлигининг ҳукумат доираларидаги манбасининг сўзларига кўра, ҳужжатлар Пак Кин Хенинг аҳоли билан алоқалар ва сиёсий масалалар бўйича котибларининг идораларидан топилган. Умумий ҳисобда 1,4 мингга яқин ҳужжат аниқланган. 

Уларнинг аксарияти Пак Кин Хе котибларининг 2015 йил мартидан 2016 йил ноябрига қадар ҳар ҳафтада ўтказилган мажлисларига бағишланган. Бироқ ҳужжатларнинг айримларида собиқ президент девони раҳбарининг Samsung компанияси ва ҳукумат сиёсатидан норози бўлган маданият ва санъат арбобларига доир кўрсатмалари ҳам қайд этилган.
 
Бундан ташқари, ҳужжатларда девон раҳбарининг айрим қалтис масалалар, жумладан 2014 йили ҳалокатга учраган "Севоль" пароми билан боғлиқ воқеаларни ҳал этишга ОАВни жалб этиш борасида берган кўрсатмалари ҳам борлиги айтилади. 

Ҳужжатларнинг барчаси махсус комиссия ва прокуратурага тақдим этилади. Улар собиқ президент Пак Кин Хе, Samsung корпорациясининг амалдаги раҳбари Ли Чжэ Ён ва бошқа юқори лавозимли мулозимлар ишида фойдаланилиши мумкин. 

Жанубий Кореяда коррупция можароси 2016 йил октябрида маҳаллий матбуотда йирик корпорациялар, хусусан Samsung компанияси ўша вақтдаги президентнинг дугонаси Цой Сун Силь ташкил этган жамғармаларга пул ўтказиши воситасида ҳукумат қўллаб-қувватлашига эришгани ҳақидаги хабарлардан сўнг авж олди. 

Ушбу жиноий иш бўйича умумий ҳисобда 30 киши айбланмоқда. Пак Кин Хе 10 март куни Конституциявий суд томонидан давлат бошқарувидан четлатилган эди. Янги президент сайлови 9 май куни бўлиб ўтди. Унда Мун Чжэ Ин ғалаба қозонди.

Кун янгиликлари
Ёдгор Саъдиев мудраган ижод аҳли, тирикчиликка айланган ижод, ёш актрисалар ва тўйлар ҳақида 
10:33 / 22.08.2017 71425 Маданият
Фарғона вилояти ҳокими Сўх тумани, уй-жой муаммоси, табиий газ ва аҳолининг бошқа муаммолари ҳақида (видео)
20:30 / 21.08.2017 37185 Жамият
Artel Technical School «Келажак мактаби» ўқув нархларини пасайтирмоқда!
20:02 / 21.08.2017 21542 Жамият
Халқ таълими вазири билан очиқ суҳбат: янги вазирлик, 10-синф, пахта терими, коррупция ва йиғди-йиғдилар
23:29 / 20.08.2017 81228 Жамият
Ногиронлик ва мазлумлик исканжасида: бир аёл яхшилар саховатидан умидвор 
15:55 / 18.08.2017 61913 Жамият
Forbes: Бой бўлишдан уялмаган Малкольм Форбс
01:13 753 Lifestyle
Зидан ҳеч қандай музокараларсиз «Реал» билан шартномани узайтиради
00:53 576 Спорт
Бразилияда бортида 70 киши бўлган паром чўкиб кетди
00:20 589 Жаҳон
Германиядаги йўл-транспорт ҳодисасида 44 руминиялик жабрланди
00:17 258 Жаҳон
Шаҳзодалар Уильям ва Ҳарри “Юлдузли жанглар” фильмининг янги қисмида суратга тушишди
23:44 / 23.08.2017 541 Маданият
Кўпроқ янгиликлар