«ПСЖ»нинг янги футболчиларидан бири, бразилиялик ҳимоячи Дани Алвес Парижга ҳамюрти Неймар маслаҳати билан қўшилганини тан олди. Алвес «Ювентус»дан кетишдан олдин янги клуб танлаш борасида ҳамюрти билан маслаҳатлашган.

«Мен Неймар билан турли имкониятларни муҳокама қилдим. У менга бу ерга келишни маслаҳат қилди. Мен «Ювентус»ни тарк этмоқчилигимни айтганимда, у «ПСЖ»га ўтмоқчилигини айтганди.  

Бизнинг жамоа жуда яхши. Бу мослашувни осонлаштиради. Неймар жуда бахтиёр ва биз уни қучоқ очганча қарши олдик. У керакли жойга керакли вақтда келди», деб айтган Алвес.

Дани Алвес «Юве» учун бир мавсум ўйнагач, ўтган ойда клуб билан шартномани бекор қилган ва эркин агент сифатида «ПСЖ»га йўл олганди.

Қайд этиш керакки, у аввалига «Манчестер Сити»га йўл олиши кутилган, охирги соатларда қарорини ўзгартириб, Парижда пайдо бўлганди.