Руминиянинг Брашов шаҳрида қўнғир айиқлар шаҳар аҳолисидан озиқ-овқат маҳсулотларини ўғирламоқда, деб хабар берди «Би-би-си».

Руминияда Европадаги қўнғир айиқларнинг тахминан 60 фоизи яшайди, шунинг учун кўчада айиқни учратиш унчалик мушкул иш эмас.

Шаҳарликларнинг сўзларига кўра, айиқлар асосан тажовузкорлик кўрсатмаяпти ва шаҳарга фақатгина овқат излаб келишмоқда.

Бироқ, фуқаролар бундай қўшничиликдан хурсанд эмаслар ва ҳукуматни муаммога тезроқ ечим топишга чақиришмоқда.

Экспертларнинг сўзларига кўра, айиқ агарда унга тегишмаса, инсонга ҳужум қилмайди.

Аввалроқ боши айиқ жағлари орасида қолган ўсмир ақл бовар қилмас тарзда омон қолгани хабар берилганди.