Гуам ороли губернатори Эдди Кальвонинг маълум қилишича, КХДРнинг АҚШ ҳудудига эҳтимолий ракета зарбаси тўғрисидаги огоҳлантиришлари таҳдид келтириб чиқармайди, сабаби орол «барча ҳолатларга тайёрланган». Бу ҳақда Reuters хабар бермоқда.

«Гуам – бу Американинг еридир. Биз шунчаки ҳарбий қурилма эмасмиз», - деган Кальво.

Кальвонинг маълум қилишича, у Оқ уй ва хавфсизлик хизмати билан ҳам боғланган бўлиб, у ерда унга «таҳдид даражаси ўзгармаганини» хабар беришган.

Шунингдек, губернатор Гуам ҳарбий раҳбарияти билан уларнинг «тайёргарлигини» муҳокама қилиш мақсадида учрашмоқчи.

Гуам ҳудудидан конгрессмен Мадлен Бордаллонинг маълум қилишича эса, америкалик ҳарбий хизматчиларнинг ҳудудни Шимолий Корея томонидан «чуқур хавотирга сабаб бўлаётган» таҳдиддан ҳимоя қила олиш бўйича имкониятларига ишончи комил. 

Шунингдек, у Америка президенти Дональд Трампни «қатъий етакчиликни» кўрсатиш ва халқаро ҳамжамият билан кескинликни бартараф этиш бўйича ҳамкорлик қилишга чақирди.

Аввалроқ Шимолий Корея АҚШнинг Гуамдаги базасига зарба бериш режасини тузаётгани хабар берилганди.