Бокс бўйича беш вазн тоифасидаги собиқ чемпион кичик Флойд Мейвезернинг хабар беришича, UFC’нинг енгил вазндаги чемпиони Конор Макгрегор бокс жанги вақтида оёғи билан зарба берадиган бўлса, ўз гонорарининг жуда катта қисмидан маҳрум бўлади.

«Жарима бўлади, жуда катта жарима. У ўз гонорарининг тахминан 90 фоизини йўқотишни хоҳлайди, деб ўйламайман. Бу сумма қанча эканини аниқ билмайман, лекин жарима жуда катта», - деди кичик Мейвезер Jimmy Kimmel Live телешоуси эфирида.

Боксчининг таъкидлашича, ўзи ҳам шундай зарбалар бериш ниятида эмас.

Шу билан бирга, кичик Мейвезернинг қайд этишича, Макрегор қаднинг ростланган ҳолатида жуда ҳам кучлидир.

UFC президенти Дана Уайт июнь ойида Макгрегор Мейвезерга оёғи ёки тирсаги билан зарба берадиган бўлса, суд олдида жавоб бериши ҳақида айтиб ўтганди.

Аввалроқ Uzreport Мэйвезер-МакГрегор жангини жонли эфирда намойиш этиши хабар берилганди.