«Real» bosh murabbiyi Zayniddin Zidan Ispaniya superkubogi uchun «Barselona»ga qarshi o‘tkazilgan javob uchrashuvi (2:0) haqida o‘z fikrlarini bildirib o‘tdi. U nafaqat 4-daqiqadayoq gol urgan Marko Asensioning, balki barcha shogirdlarining o‘yinidan qoniqqanini ma'lum qildi.
«Bu o‘yinda nafaqat Asensio, balki barcha yaxshi harakat qildi. Biz mavsumni yaxshi boshladik hamda ikkita Superkubokni qo‘lga kiritdik. Bahsning birinchi bo‘limi tomoshabop bo‘ldi, biz juda shiddatli o‘ynadik va to‘p bilan yaxshi harakatlandik. Ikkinchi taymda raqib biroz qiyinchilik tug‘dirdi, biroq natijadan xursandmiz.
«Barselona» bilan raqobat? Bu Primerada yana boshlanmoqda, bizni og‘ir mavsum kutib turibdi», - deya fransiyalik mutaxassis so‘zlarini keltiradi AS nashri.
