Пхеньян АҚШ ва Жанубий Кореянинг ҳарбий машқларини кузатмоқда ҳамда фитна ҳаракати рўй берадиган бўлса, огоҳлантирувчи зарба беришга тайёр. Бу ҳақда КХДРнинг Россиядаги муваққат ишлар бўйича вакили Зин Чжон Хеп маълум қилган.

«Ҳурматли ўртоқ Ким Чен Ин раҳбарлик қилаётган бизнинг армия ва халқимиз душманларнинг бу ҳаракатларини кузатиб турибди ҳамда исталган дақиқада, агарда фитналар рўй берадиган бўлса, огоҳлантирувчи зарба беришга тайёр», - дея айтиб ўтди Зин Чжон Хеп РИА Новости’га берган интервьюсида.

Аввалроқ КХДР Гуам оролига уюштириладиган тахминий ҳужум  видеосини тақдим этганди.