Ироқ ҳарбийлари мамлакат шимоли-шарқидаги Талл-Афар шаҳрини ИШИД жангларидан тўла озод қилди. Бу ҳақда "Пресс-ТВ" телеканалида хабар берилди.

Айни вақтда ироқлик ҳарбийлар ушбу шаҳар марказида назорат ўрнатишган.

Талл-Афар ИШИД қўлига ўтишидан аввал унда 200 минг киши истиқомат қиларди. Бу шаҳар 2003 йили АҚШ ҳарбийлари Ироққа кирганидан кейин шиалар ва суннийлар ўртасида баҳс майдонига айланган. Ушбу шаҳар аввалроқ ИШИДдан озод этилган Мўсул шаҳридан 80 км ғарбда жойлашган бўлиб, стратегик жиҳатдан муҳим пункт ҳисобланади.