Boks, JCh–2017: Shahram G‘iyosov chorak finalga chiqqan o‘zbekistonlik oltinchi bokschi bo‘ldi

Germaniyaning Hamburg shahrida AIBA shafeligi ostida boks bo‘yicha Jahon chempionatining to‘rtinchi kuni davom etmoqda. 

Kecha o‘tkazilgan ikkinchi saralash bosqichida to‘rt nafar o‘zbekistonlik bokschi JCh chorak finaliga yo‘l olgani haqida xabar bergan edik.

Bugun, 28 avgust — musobaqaning to‘rtinchi kunida ikkinchi saralash bosqichida yana 5 nafar bokschimiz chorak finalga yo‘l olish uchun jang o‘tkazmoqda. 

60 kg.gacha bo‘lgan vaznda ikkinchi saralash bosqichida armanistonlik Karen Tonakanyanni mag‘lubiyatga uchratgan Elnur Abduraimov ham chorak final yo‘llanmasini hal qilganini xabar bergan edik.

69 kg.gacha vazn toifasining ikkinchi saralash bosqichi Shahram G‘iyosov ukrainalik Yevgeniy Barabanovga qarshi ringga ko‘tarildi va 5:0 hisobida ishonchli g‘alaba qozondi va chorak finalga chiqqan oltinchi bokschimiz bo‘ldi.  

Bugun vakilarimiz ishtirokida bo‘lib o‘tadigan qolgan uch jangni UzReport telekanali orqali jonli efirda tomosha qilishingiz mumkin. (Toshkent vaqti bilan)

91+ kg. Ikkinchi saralash bosqichi. 28 avgust. 20:15
Bahodir Jalolov (O‘zbekiston) – Kem Larssen (Daniya)

52 kg. Ikkinchi saralash bosqichi. 28 avgust. 22:00
Jasurbek Latipov (O‘zbekiston) - Daniel Asenov (Bolgariya)

81 kg. Ikkinchi saralash bosqichi. 28 avgust. 23:45
Bektemir Meliqo‘ziyev (O‘zbekiston) - Muslim Gajimagomedov (Rossiya)

{Yii::t(}

O'tkazib yuborish 6s

O'tkazib yuborish