Toshkent viloyatida hokimning turizm bo‘yicha o‘rinbosari tayinlandi

O‘zbekiston Respublikasi Prezidenti Shavkat Mirziyoyev Toshkent viloyati hokimining turizm bo‘yicha o‘rinbosarini tayinladi.

Davlat rahbarining «Turizm sohasini rivojlantirishda mahalliy ijro etuvchi hokimiyat organlarining mas'uliyatini yanada oshirish chora-tadbirlari to‘g‘risida»gi PQ-3129 sonli qaroriga muvofiq Sayfiddin Nizamov Toshkent viloyati hokimining turizmni rivojlantirish masalalari bo‘yicha o‘rinbosari lavozimiga tayinlangan.

Avvalroq ikki viloyatda hokimning turizm bo‘yicha o‘rinbosarlari tayinlangani xabar berilgandi.