1 сентябрь куни Қурбон ҳайити муносабати билан пойтахт Тошкент шаҳрида жамоат транспорти – метро ва автобуслар эрта тонг соат 04:00 дан иш фаолиятини бошлайди. Бу ҳақда "Ўзбекистон24" телеканалининг сайтида маълум қилинди.

Қайд этилишича, ушбу қарор аҳолига қулайлик яратиш мақсадида қабул қилинди.

Эслатиб ўтамиз, Президент қарори билан Ўзбекистонда 1 сентябрни Қурбон ҳайити байрамининг биринчи куни сифатида нишонлаш белгиланган эди.