Грузия собиқ президенти, Одесса вилояти собиқ губернатори Михаил Саакашвили нима учун Украинага қайтиб келганини тушунтириб берди, деб хабар қилмоқда РИА «Новости».

Унинг сўзларига кўра, фуқароликдан маҳрум этиш ҳақидаги қарорга қарши судга эътироз билдирмоқчи ҳамда Украина келажаги учун курашни давом эттирмоқчи.

«Мен Украинадаги уйимга қайтишимга сабаб – биринчидан, судга бориб, ўз ҳуқуқларимни ҳимоя қилмоқчиман. Европадаги бир неча давлатлар менга фуқароликни таклиф қилди, бироқ Украинага қайтдим, сабаби бу халқни жуда ҳурмат қиламан ва яхши кўраман. Агар лозим бўлса, бу қаҳрамон халқ учун ўз ҳаётимни беришга тайёрман», - деди Саакашвили.

Аввалроқ Михаил Саакашвили Украинада 5 йилга қамалиши мумкин экани хабар қилинганди.