БАА Мьянмадан Бангладешга ўтиб олган қочқинлар учун тезкор инсонпарварлик ёрдами юборди. Унинг қиймати 700 минг доллардан ортиқ, деб хабар бермоқда WAM агентлиги.

Инсонпарварлик ёрдами БАА вице-президенти ва бош вазири шайх Муҳаммад бин Рашид Ал Мактумнинг буйруғига кўра юборилди.

Гуманитар юкларга эга самолётни жўнатиш ишлари БМТнинг қочқинлар иши бўйича Агентлиги томонидан олиб борилди. Хабар қилинишича, юк 1671 оиладан бўлган 8355 қочқин ўртасида тақсимланади.

Аввалроқ Ўзбекистон Мьянмадаги роҳингяларга гуманитар ёрдам кўрсатиши хабар берилганди.