КХДР БМТ Хавфсизлик Кенгашининг санкцияларини бутунлай рад этди, деб хабар бермоқда «Рёнхап».

«КХДРнинг жавоб чоралари АҚШни, улар ўз тарихида қачондир бошдан кечирган оғриқдан ҳам каттароқ азобга мубтало қилади», - дея маълум қилди Шимолий Кореянинг Женевадаги элчиси Хен Тей Сун.

Кеча БМТ Хавфсизлик кенгаши КХДРга қарши санкцияларни бир овоздан кучайтирди.

Аввалроқ эса Шимолий Корея томонидан 3 сентябрь куни синовдан ўтказилган ядро заряди кучи 250 килотоннани ташкил этиши хабар берилди.