АҚШ президенти Дональд Трампнинг маълум қилишича, Венесуэлада «демократияни тезроқ тиклашни» хоҳламоқда. Бу ҳақда Reuters хабар берди.

Трамп Лотин Америкаси давлатлари етакчилари билан тушлик вақтида Венесуэла халқи очарчиликдан азият чекаётгани, мамлакатнинг ўзи эса вайрон бўлаётганини маълум қилган.

Унинг сўзларига кўра, АҚШ «Венесуэла авторитар бошқарув сари кетишда давом этса», қўшимча чораларни қабул қилишга тайёр.

Трамп Венесуэлада «демократия ва сиёсий эркинликни бутунлай тиклашга» чақирди.

«Биз бу жуда тез рўй беришини хоҳлаймиз», - деди у.

Аввалроқ Мадуро Трампдан миннатдор экани маълум қилинганди.