Venesuela prezidenti Nikolas Maduro AQSh rahbari Donald Trampga minnatdorchilik bildirdi. Qayd etilishicha, bunga Trampning Venesuela hukumati va mamlakat muxolifati o‘rtasidagi muloqotni qo‘llab-quvvatlagani sabab bo‘lgan, deb xabar qilmoqda El Nacional.
«Men prezident Donald Trampga milliy muloqotni qo‘llab-quvvatlagani uchun minnatdorchilik bildiraman», - dedi Maduro davlat televideniyesi efirida.
Shuningdek, u mamlakatdagi siyosiy muloqotning xalqaro hamjamiyat tomonidan qo‘llab-quvvatlanishi muhim ekanini ta'kidlab o‘tgan.
Avvalroq Maduro muxolifat bilan muzokaralarni muvaffaqiyatli, deb atagandi.
