Mirzo Ulug‘bek tuman IIB HPB profilaktika inspektorlari sohaviy xizmat xodimlari bilan hamkorlikda yonida giyohvand moddasi bo‘lgan shaxsni qo‘lga olishdi.
Bu haqda KUN.UZ’ga IIV Huquqbuzarliklar profilaktikasi bosh boshqarmasi xabar berdi.
M.Ulug‘bek tumanida 15 oktabr kuni soat 21.00 da, Sayram ko‘chasida joylashgan "Bo‘z" bozori oldida, 1990 yilda tug‘ilgan, muqaddam sudlanmagan, Sergeli tumani, Qo‘yliq 6-9-uyda yashovchi Q.J. to‘xtatilib, tekshirilganida, yonida 3,6 gr. "marixuana" giyohvand moddasi borligi aniqlanib, ushlandi.
Mazkur holat yuzasidan Mirzo Ulug‘bek tuman IIB tomonidan fuqaro Q.J.ga nisbatan O‘zbekiston Respublikasi JKning 276-moddasi 1-qismi bilan jinoyat ishi qo‘zg‘atildi.
