АҚШ президенти Дональд Трампнинг маълум қилишича, Нью-Йоркда теракт содир этган шахс руҳан носоғломдир.

«Афтидан, Нью-Йоркдаги теракт касал ва руҳан носоғлом инсон томонидан амалга оширилган», - дея ёзди АҚШ раҳбари твиттерда.

Бундан аввалги хабарларда Нью-Йоркда теракт содир этишда гумонланаётган Ўзбекистоннинг собиқ фуқароси Сайфулло Саипов АҚШга грин-карта орқали кўчиб кетгани ва Uber компаниясида ҳайдовчи бўлиб ишлагани айтилганди.

31 октябрда Нью-Йоркнинг Қуйи Манхэттен туманида, Жаҳон савдо маркази ёнида содир этилган ҳужум оқибатида Бельгиянинг бир фуқароси ҳалок бўлган ва 3 фуқароси яраланган. Шунингдек, Аргентинанинг 5 фуқароси ҳалок бўлган ва бир фуқароси жароҳат олган.