3 ноябрь куни Тошкент шаҳрида ўтаётган МДҲ ҳукумат раислари Кенгашининг навбатдаги йиғилишида кун тартибидан ўрин олган айрим масалалар тор доирада муҳокама этилиб, кенгайтирилган тартибда ўтаётган йиғилишларда ҳужжатлар имзоланиши давом этмоқда.

Унга кўра, 18та ҳужжат лойиҳаси тор доирадаги мажлисда кўриб чиқилган бўлиб, рақобат ва монополияга, шунингдек, халқаро картелларнинг ташкилотга аъзо давлат иқтисодиётига салбий таъсирини олдини олиш масалалари кенгайтирилган тартибда муҳокамага қўйилди. Шундан сўнг, Кенгаш раиси, Россия Федерацияси Бош вазири Дмитрий Медведевнинг ташаббуси билан ҳужжат лойиҳаларини имзолаш жараёни бошланди.