АҚШ президенти Дональд Трампнинг маълум қилишича, мамлакат эркин ва хавфсиз Корея ярим ороли ҳамда оилаларнинг бирлашиши ҳақида орзу қилади. Бу ҳақда Трамп Жанубий Корея парламентида сўзлаган нутқида айтиб ўтди. CNN телеканали бу чиқишни трансляция қилган.

«Биз эркин Корея, хавфсиз ярим орол ва яна бирлашган оилалар ҳақида орзу қиламиз... Ҳамда ядровий даҳшат ажойиб тинчлик ҳақида ваъда билан алмашишини истаймиз», - дея айтиб ўтди Трамп.

Унинг таъкидлашича, АҚШ шу кун келгунига қадар «кучли ва ҳушёр» туриши лозим.

Аввалроқ Трамп Россия ва Хитойни КХДР билан дипломатик алоқаларни қисқартиришга чақиргани хабар берилганди.