2017 йилнинг 9 ноябрь куни, соат тахминан 08:30ларда, муқаддам судланган Т.А. ўзганинг мол-мулкини яширин равишда талон-торож қилиш мақсадида, Тошкент шаҳри Бектемир туманида жойлашган автобуслар тўхташ бекатида, фуқаро Д.Ю.нинг киссасидан нархи 1.500.000 сўм бўлган "SAMSUNG GALAXY S-4" русумли уяли алоқа телефонини ўғирламоқчи бўлган вақтида ички ишлар органлари ходимлари томонидан ушланган. Бу ҳақда пойтахт ИИББ хабар бермоқда.

Мазкур ҳолат юзасидан, Бектемир тумани ИИБ ҳузуридаги Тергов бўлими томонидан Ўзбекистон Республикаси ЖКнинг 25, 169-моддаси 2-қисми “а” банди (киссавурликка суиқасд қилиш) аломатлари билан жиноят иши қўзғатилган. 

Ҳозирда дастлабки тергов ҳаракатлари давом эттирилиб, унинг бошқа жиноятларга алоқадорлиги текширилмоқда.