Ливан собиқ бош вазири, Саудия Арабистонида гўёки мажбуран ушлаб турилган Саад Ҳаририй «бир неча кундан» сўнг уйига қайтиши ҳақида маълум қилди. Буни у расман истеъфога чиқиш учун қилмоқчи. Ҳаририй бу ҳақда Future TV телеканалига берган интервьюсида айтиб ўтган, деб хабар бермоқда «Би-би-си».

«Мен истеъфога чиқдим. Яқин вақт ичида Ливанга бораман, ҳамда истеъфога конституциявий усул билан чиқаман», - дея айтиб ўтди у.

Ҳаририйнинг қўшимча қилишича, унинг истеъфоси «Ливан учун жўнаш нуқтасига айланди».

Шунингдек, унинг маълум қилишича, Саудия Арабистонида уни мажбуран ушлаб туришгани йўқ.

«Мен бу ерда эркинман. Агарда эртага қаергадир жўнаб кетишни хоҳласам, буни қила оламан», - дея айтиб ўтди у.

Аввалроқ Ливаннинг Араб давлатлари лигасидан чиқариб юборилиши масаласига ойдинлик киритилганди.