Зимбабведа ҳарбийлар мамлакат президенти Роберт Мугабени қамоққа олишгани ва «давлатдаги вазият бошқа даражага чиққани» ҳақида маълум қилишди. Бу ҳақда The New York Times хабар бермоқда.

Нашрнинг таъкидлашича, давлатнинг ZBC телекомпанияси «босиб олинганидан» сўнг ҳарбий формадаги икки зобит «ҳарбийлар ҳокимиятни эгаллаб олишганини рад этган» ҳамда Мугабе ва унинг оиласи «хавфсиз ҳамда ишончли жойда экани, уларнинг хавфсизлиги кафолатлангани» ҳақида қўшимча қилиб ўтган.

«Биз фақат унинг атрофидаги жиноятчиларни таъқиб қилмоқдамиз. Улар жиноятлар содир этиб, мамлакатда ижтимоий ва иқтисодий азоб-уқубатлар келтириб чиқаришмоқда. Биз уларни жавобгарликка тортиш мақсадидамиз», - дея маълум қилган бош нотиқ, армия штаби бошлиғи, генерал-майор С.Б.Мойо деб айтилаётган шахс. 

Шунингдек, Мойонинг маълум қилишича, «исталган фитна ҳаракатига тегишли жавоб қайтарилади».

Зимбабведа сиёсий танглик. Мамлакатда ҳарбийлар исёни бошланди