Hakerlar O‘zbekistondagi bir nechta vazirlik, idora saytlarini buzib kirdi

20 noyabr kuni taxminan soat 17.00 atrofida O‘zbekistondagi bir nechta vazirlik, idora saytlari, jumladan Adliya vazirligi, Toshkent shahar hokimiyati, Davlat test markazi veb manzillari hakerlar tomonidan ishdan chiqarildi.

Ma'lum qilinishicha, veb saytlarga hujum Skidie KhaN taxallusidagi, o‘zini bangladeshlik deb tanishtirgan kiber hujumchi tomonidan amalga oshirilgan. Shuningdek, O‘zbekiston Respublikasi Tashqi ishlar vazirligi veb saytiga tashrif buyurishda ham qiyinchiliklar paydo bo‘ldi.

Cyber Command0s hakerlar guruhi a'zosi sifatida tan olingan kiber hujumchi bundan avval, Myanma hukumati veb saytini ham ishdan chiqargandi. O‘shanda u «barchasi rohingya uchun», deya izoh qoldirgan.