Qoʻshimcha funksionallar

  • Tungi ko‘rinish

  • Toshkent sh.
  • Qoraqalpog‘iston
  • Andijon
  • Farg‘ona
  • Namangan
  • Samarqand
  • Buxoro
  • Xorazm
  • Surxondaryo
  • Qashqadaryo
  • Jizzax
  • Sirdaryo
  • Toshkent vil.
  • Navoiy
    • O‘zbekiston | 18:00 / 21.11.2017
    43447
    2 daqiqa o‘qiladi

    Ruhiy kasalliklar shifoxonasidan qochgan uchinchi bemor qo‘lga olindi​

    20 noyabr kuni Toshkent shahri Olmazor tumanida joylashgan ruhiy kasalliklar shifoxonasidan qochgan bemorlarning uchinchisi Sherqul Safarovich Omonov qo‘lga olindi. Toshkent shahar IIBB matbuot xizmati xabar berishicha, u ​21 noyabr kuni soat taxminan 15:00larda, Toshkent shahar IIBB xodimlari tomonidan o‘tkazilgan tezkor-qidiruv tadbirlari davomida, Chilonzor tumanida joylashgan «Abu Saxiy» bozori hududida ushlangan.

    Ma'lum qilinishicha, Sherqul Omonov ushlash jarayonida, yonida bo‘lgan pichoq bilan ichki ishlar organlari xodimiga jarohat yetkazgan. Yon-atrofdagilarga nisbatan jiddiy xavf tug‘dirgan.

    Eslatib o‘tamiz, dushanba kuni taxminan soat 09:10da Toshkent shahrida joylashgan Respublika ruhiy xastaliklarni intensiv kuzatish shifoxonasidan uch nafar bemor qochib ketgandi.​ Ularning ikki nafari shu kunning o‘zidayoq qo‘lga olindi. 

    Bemorlarning maxsus nazoratdagi shifoxonadan qanday qochib ketgani hozircha ma'lum emas.

    Toshkentdan chiqish yo‘llari to‘silgan: Xavfli shaxs qidirilmoqda

    #Ruhiy kasalliklar shifoxonasi