Қирғизистоннинг янги президенти Сооронбай Жээнбеков мамлакат манфаатларини биринчи ўринга қўйишга ваъда берди. У бу ҳақда инаугурация давомида қасамёд келтирганидан сўнг сўзлаган нутқида айтиб ўтган, деб ёзмоқда қирғиз ОАВ.

Президентнинг сўзларига кўра, ҳокимиятнинг барча бўғинларига қатъий талаблар қўяди.

«Демократия икки дўстга эга: биринчиси – озодлик, иккинчиси – масъулият. Мен халқ олдидаги ўз мажбуриятларимни бажариш учун ҳам кучимни, ҳам вақтимни аямайман», - дея айтиб ўтди Сооронбай Жээнбеков.

Эслатиб ўтамиз, аввалроқ Атамбоев Қирғизистон келажагидан хавотирда эмаслигини айтганди.