Шимолий Кореянинг Москвадаги элчихонаси ходимлари 29 ноябрга ўтар тунда учирилган «Хвасон-15» қитъалараро баллистик ракетасининг синовига изоҳ беришди, деб хабар қилмоқда РИА «Новости».

Дипломатларнинг сўзларига кўра, ушбу ракета ўзида ўта катта ядро каллагини олиб ўтиши мумкин.

Эслатиб ўтамиз, КХДР Hwasong-15 қитъалараро баллистик ракетаси муваффақиятли синовдан ўтказилгани ҳақида маълум қилганди. Пхеньяннинг баёнотида айтилишича, ракета АҚШ ҳудудидаги исталган жойга етиб бориши мумкин. Шунингдек, КХДР ядро кучларини шакллантириш якунига етганини маълум қилди.