“Samarqand me'mor loyiha” tashkiloti tashkil etildi

namunaviy loyihalashtirishdan keng foydalanish hamda loyihalarni optimallashtirish va qiymatini pasaytirish choralarini ko‘rish;

qurilishning ilg‘or uslublarini, zamonaviy va energiya jihatdan samarali qurilish materiallarining turlarini loyiha yechimlariga ustuvor tatbiq etish;

ilg‘or xorijiy tajribadan foydalangan holda loyihalashtirishning zamonaviy, ilmiy jihatdan asoslangan texnologik tartiblarni ishlab chiqish va tatbiq etish;

loyihalarni energiya jihatdan tejamkor va iqtisodiy samarasi yuqori bo‘lgan, ilg‘or va yangi turdagi qurilish materiallarini qo‘llashni nazarda tutadigan zamonaviy texnologiyalarni joriy etish hisobiga ishlab chiqish;

xalqaro standartlar darajasida qo‘llashni nazarda tutadigan loyihalashtirish jarayonlariga zamonaviy standartlarni tatbiq etish bo‘yicha takliflar ishlab chiqish;

sohaga oid ilmiy-tadqiqot va oliy ta'lim muassasalari bilan izchil hamkorlikni amalga oshirish.

4. Belgilanishicha: 

'‘Samarqand me'mor loyiha” DUK rahbari bir vaqtning o‘zida jamoatchilik asosida Samarqand viloyat hokimining loyiha-qidiruv ishlari bo‘yicha yordamchisi hisoblanadi;

“Samarqand me'mor loyiha” DUKning Italiya, Janubiy Koreya, Xitoy va boshqa xorijiy mamlakatlardan tajribali loyihachi me'morlarni jalb qilish bilan bog‘liq hamda ularga sarf etiladigan barcha xarajatlari dastlabki uch yil mobaynida “O‘zbekiston temir yo‘llari” AJ tomonidan qoplanadi;

“Samarqand me'mor loyiha” DUK Samarqand davlat arxitektura-qurilish instituti talabalarining o‘quv-ishlab chiqarish amaliyotini o‘tishida tayanch tashkilot hisoblanadi.

5. O‘zbekiston Respublikasi Xususiylashtirilgan korxonalarga ko‘maklashish va raqobatni rivojlantirish davlat qo‘mitasi, Davlat arxitektura va qurilish qo‘mitasi, Samarqand viloyati hokimligi hamda Samarqand davlat arxitektura-qurilish instituti Samarqand shahar, Lolazor ko‘chasi, 70-uy manzilidagi o‘quv laboratoriyasi binosi majmuasi operativ boshqaruv huquqi asosida “Samarqand me'mor loyiha” DUKga berilishini ta'minlaydilar.

6. Samarqand davlat arxitektura-qurilish instituti bir oy muddatda “Samarqand me'mor loyiha” DUKning ustavini va shtat jadvalini ishlab chiqadi hamda belgilangan tartibda tasdiqlaydi.

7. Belgilab qo‘yilishicha:

“Samarqand me'mor loyiha” DUKning o‘z mablag‘lari va qonun hujjatlarida taqiqlanmagan boshqa manbalar uning faoliyatini moliyalashtirish manbalari hisoblanadi.

“Samarqand me'mor loyiha” DUK direktori O‘zbekiston Respublikasi Davlat arxitektura va qurilish qo‘mitasi hamda Samarqand viloyati hokimligi bilan kelishgan holda Samarqand davlat arxitektura-qurilish instituti rektori tomonidan lavozimga tayinlanadi va lavozimdan ozod qilinadi.

8. Samarqand viloyati hokimligi O‘zbekiston Respublikasi Davlat arxitektura va qurilish qo‘mitasi bilan birgalikda ikki oy muddatda:

“Samarqand me'mor loyiha” DUKning moddiy-texnik bazasini mustahkamlash va uni qurilish obektlarini loyihalashtirish sohasida yuqori malakali kadrlar va mutaxassislar bilan to‘ldirish;

“Samarqand me'mor loyiha” DUKga operativ boshqaruv huquqi asosida beriladigan Samarqand shahar, Lolazor ko‘chasi, 70-uy manzilidagi o‘quv laboratoriyasi binosini kapital ta'mirlash bilan bog‘liq tashkiliy masalalarni hal etish va moliyalashtirish manbalarini aniqlash choralarini ko‘radi.

9. Mazkur qarorning bajarilishini nazorat qilish O‘zbekiston Respublikasi Bosh vazirining birinchi o‘rinbosari - “O‘zbekiston temir yo‘llari” AJ boshqaruvi raisi A.J. Ramatov, O‘zbekiston Respublikasi Davlat arxitektura va qurilish qo‘mitasi raisi B.I. Zokirov va Samarqand viloyati hokimi T.I. Jo‘rayev zimmasiga yuklandi.