12:44 / 14.12.2017
19889

Qozog‘iston arab-isroil mojarosi bo‘yicha bayonot bilan chiqdi

Foto: parlam.kz

Qozog‘iston arab-isroil mojarosini hal etish bo‘yicha tinch sa'y-harakatlarni ma'qullaydi. Bu haqda Qozog‘iston Respublikasi parlamenti senatining raisi Qosim-Jo‘mart Tokayev Islom hamkorlik tashkilotining Istanbuldagi sammitida ma'lum qildi.

Favqulodda sammit Yaqin Sharqdagi vaziyat keskinlashishi tufayli Turkiya prezidenti Rajab Toyyib Erdo‘g‘an tashabbusi bilan tashkil etildi.

Amerika Qo‘shma Shtatlari oltinchi dekabr kuni al-Qudsni Isroil poytaxti sifatida rasman tan oldi. Oq uydan ma'lum qilishlaricha, bunday qaror ham tarixiy, ham hozirgi haqiqatning tan olinishi hisoblanadi.

Qozog‘iston Tashqi ishlar vazirligi esa 7 dekabr kuni al-Quds bilan bog‘liq vaziyat haqida bayonot berdi. "Qozog‘iston al-Quds maqomi bilan bog‘liq vaziyat atrofidagi keskinlikning o‘sishidan xavotirda ekanini bildiradi va barcha ishtirokchi tomonlarni vazminlikka chaqiradi. Al-Qudsning amaldagi maqomi saqlanib qolinishi uchun chiqib, Qozog‘iston Falastin-Isroil mojarosiga xalqaro huquq, BMT Bosh Assambleyasi hamda Xavfsizlik Kengashining tegishli rezolyutsiyalari va 2002 yildagi Arab tinch tashabbusi asosida yechim topish bo‘yicha pozitsiyasini yana bir tasdiqlaydi”, - deyiladi tarqatilgan xabarda.

Mavzu
Quddus Isroil poytaxti deb tan olinishi

6 dekabr kuni AQSh prezidenti Donald Tramp Quddusning Isroil poytaxti deb tan oldi. U AQSh Davlat departamentiga Tel-Avivdagi elchixonani Quddusga ko‘chirishga tayyorgarlik ko‘rishni boshlash vazifasini topshirdi.

Barchasi
Mavzuga oid
Top