Ўтган 2017 йил жаҳон автомобилсозлигида ҳам сермаҳсул йиллардан бири бўлди. Албатта, 2018 йил ҳам ундан кам бўлмаслиги аниқ. Jaguar электр кроссовери, янги авлод LR Defender ва илк Rolls-Royce йўлтанламаси шулар жумласидан... Ва албатта, булар бошланиши, холос! Мотор.ру сайти 2018 йилда тақдим этилиши кутилаётган автомобиллар билан таништиради. 

Audi Q8

Фото: AutoMarket

Audi компаниясининг янги байроқдор кроссоверидан дарак берувчи намуналарни биз ўтган йилда 2 марта: январь ҳамда март ойида кўрдик. Q8 Sport Concept концепти 450 от кучига эга бўлган 6 цилиндрли бензинда ҳаракатланувчи мотор, электр кучайтиргич ва 48 вольтли борт тизимига эга эди.  Серияли ишлаб чиқарилувчи кроссовер Q7 йўлтанламасининг янада ҳашаматли ва кучлироқ намунаси бўлиши айтилмоқда.

BMW X7

Фото: Twitter

Германиянинг яна бир машҳур автомобилсозлик компанияси ишлаб чиққан X7 iPerformance концепти 2017 йил сентябрида Женева автосалонида намойиш этилди. BMW компанияси декабрь ойи охиридаёқ Американинг Спартанберг шаҳридаги заводида серияолди машиналарининг йиғилишини намойиш этди. Шу нарса маълумки, X7 xDrive50i 4,4 л жуфт-турбо «саккизлик» двигатель билан жиҳозланади. У 462 от кучига тенгдир. 5 ҳудудли иқлим назорати, объектларни таний оладиган тунги кўриш тизими, Xoffroad йўлтанламас тўплами қулайликлардан айримларидир. Серияли автомобиль шу йил охирида сотувга чиқади.

BMW 8 Series

Фото: Motor1

8-сериядаги янги байроқдор купе даракчиси 2017 йил баҳорида такил этилган Concorso d’Eleganza Villa d’Este – нафислик фестивалида намойиш қилинган эди. Серияли машина янги «еттилик» платформасида барпо этишади. У шунчалик нафис ва ҳашаматли бўлиши кутиляптики, у сегмент талабларини юқори поғонага кўтариши айтилмоқда. 8 Series жуда кўплаб тўпламларига эга бўлади, хусусан 850 ва M8 шулар жумласидан. Унга M760Li xDrive автомобилига ўрнатилган V12 моторини жойлаш эҳтимоли катта. 

Cadillac XT4

Фото: Shop Cadillac

Ихчам Cadillac кроссовери компаниянинг XT5 моделидан бир поғона пастда туради. Унга BMW X3 ва Lexus NX машиналари асосий рақиб бўлиши тахмин қилинмоқда. Ҳозирча, моторлар қатори ҳақида маълумотлар мавжуд эмас, аммо аксар манбалар йўлтанламасга 280 от кучига эга, 2.0 л «турботўртлик» ва гибрид қурилмаси ўрнатилиши ҳақида сўз юритишмоқда. Унинг расмий тақдимоти Шимолий Америкадаги автокўргазмалардан бирида бўлиб ўтади. 

Genesis GV80

Фото: Autopista

Hyundai компаниясининг премиум таснифидаги Genesis брендининг илк кроссовери 2017 йил баҳорида Нью-Йорк автосалонида намойиш этилган эди. У «иккиқатли» диодли чироқлари, ромсиз эшиклари ва мультимедиа тизимининг кенг форматли  билан дисплейи билан фарқланиб туради. Концептнинг куч ускунаси ҳақида шу нарса маълумки, у ёқилғида ишлайди. 

Jaguar i-Pace

Фото: Motor.ru

Британия компаниясининг биринчи электр кроссовери янги модул платформаси негизида ишлаб чиқилади. Унга жами 400 от кучига тенг 2 та электрмотор ўрнатилади.  Улар 90 кВт*соатлик литий-ионли батареялардан қувват олади. У бир марта қувватлангач 500 км масофани ортда қолдириши таъкидланмоқда. 

Land Rover Defender

Фото: Pinterest

2016 йил бошида ишлаб чиқаришдан олинган ажойиб йўлтанламас 2018 йилда қайта туғилади. Land Rover бош дизайнери Жерри Макговерннинг сўзларига кўра, бу умуман бошқача автомобиль бўлади. У афсонавий машина билан шунчаки «ҳиссий алоқа»га эга бўлади. Янги Defender алюминий платформада барпо этилади. Айтиш мумкинки, у Discovery компаниясининг модернизация қилинган маҳсулотидир. Двигателлар сирасига бензинли ҳамда дизелли моторлар киритилади. Бундан ташқари V6 намунаси ҳам қўйилади. Шунингдек, гибрид ҳамда тўлиқ электрлаштирилган намуналари пайдо бўлиши ҳам мумкин. 

Mercedes-Benz AMG GT4

Фото: Pinterest

AMG компанияси билан ҳамкорликда ишлаб чиқилган 4 эшикли 63 индексли CLS Porsche Panamera билан бемалол рақобат қила олади. MRA платформасида барпо этилган янги седан 4.0 л ҳажмли AMG «саккизлиги» билан жиҳозланади. 2 турбинали мотор 600 дан ортиқ от кучи билан таъминлайди. AMG GT4 48 вольтли борт энергия тизими, стартер-генератор ва 20 кучли электромоторга эга бўлади.

Rolls-Royce Project Cullinan

Фото: Motor.ru

Энг йирик Rolls-Royce. Компания уни кроссовер деб атамасликни сўрамоқда. Чунки  SUV (Sport Utility Vehicle) қисқартма отида сорт сўзи мавжуд. У алюминийли платформада барпо этилади. Янги авлод Phantom седани ҳам шу шассида ишлаб чиқилади. Компания раҳбари Торстен Мюллер-Отвос сўзларига кўра, у «ниқобдаги Audi Q7 эмас» (Bentley Bentayga моделига шаъма қилинмоқда), балки ҳақиқий Rolls-Royce бўлади.

VW Touareg

Фото: k.sina

Янги Volkswagen Touareg ўтган йил декабрь ойида фотокамералар объективига тушган эди. Унинг кузови T-Prime GTE концепти услубида ишлаб чиқилган. Йўлтанламас асосида Porsche Cayenne, Audi Q7 ва Bentley Bentayga машиналарида қўлланилган MLB модулли платформаси ётади. Touareg двигателларига «олтилик» ва «саккизлик» ҳамда гибрид моторлар киради. T-Prime GTE концептида мотор 380 от кучига эга эди. 

Toyota Supra

Фото: Motor1

Toyota компаниясининг янгиланган спорткари BMW билан ҳамкорликда ишлаб чиқилди. Икки компания машиналарининг суратлари кўп бора турли нашрларда пайдо бўлди, бироқ улар ҳақида батафсил маълумот мавжуд эмас. Дастлабки хабарларга кўра, Toyota Supra 2.0 л ҳажмдаги «турботўртлик», 3.0 л «олтилик», гибрид мотор ҳам ўрнатилади. 

Ford Focus

Фото: Delfi

Америка компаниясининг Focus машинаси январь ойида Детройтда ташкил этиладиган кўргазмада намойиш этилиши кутилмоқда. Аммо бошқа манбалар унинг о Женева ёки Пекинда намойиш этилишини айтмоқда. Унинг негизида Ford компаниясининг янги платформаси ётади. Шасси ғилдираклар асоси 50 мм.га кенгайтирилган, вазни 50 кг.га енгиллаштирилган. Моторлар фақатгина турбокучайтиргичли бўлиши аниқ. Булар 1.0 литрдан 2.0 литргача ҳажмдаги 280 от кучигача қувват берувчи двигателлар бўлади.