Foto: ANF News
«Suriya demokratik kuchlari» (SDF) Suriya shimolidagi Radjo shahri yaqinidagi janglar vaqtida 59 nafar turkiyalik askar halok bo‘lgani haqida ma'lum qildi. Bu haqda ANF News xabar tarqatmoqda.
Manba ma'lumotiga ko‘ra, janglar Beydanli va Hadj-Xalilda, shuningdek Meydanki to‘g‘oni yaqinida davom etmoqda.
20 yanvar kuni Turkiya Qurolli kuchlari bosh shtabi Suriya shimolidagi Afrin hududidagi kurd harbiy bo‘linmalariga qarshi «Zaytun novdasi» nomli harbiy amaliyot boshlagani haqida e'lon qilgandi. Fevral oyida Suriya hukumati harbiylari ham shahar himoyasi uchun jangga kirishgani ma'lum bo‘ldi, ammo suriyalik harbiylar Turkiya zarbalari ostida chekindi.
