Foto: Reuters
Tailandda g‘orda bir necha kun qolib ketgan yosh futbolchilarning qutqarilishi bir necha kinoprodyuserni ular haqida film suratga olishga ilhomlantirdi. Bu haqda The Hollywood Reporter nashri ma'lum qildi.
Avval Pure Flix studiyasi va voqea joyida bo‘lgan hamda bolalarni qutqarish vaqtida halok bo‘lgan g‘avvosni tanigan prodyuser Maykl Skott ushbu voqeani ekranda jonlantirish istagini bildirgan.
Keyinroq Jon Penotti boshchiligidagi Ivanhoe Pictures studiyasi Tailand hukumati 12 bola va ularning murabbiyini g‘ordan qutqarishda yordam bergan g‘avvoslar, g‘orshunoslar va kuch tuzilmalari xodimlarining baynalminal jamoasi haqidagi film loyihasini ma'qullaganini ma'lum qildi.
