O‘zbekiston erkin kurash jamoasi yetakchisi Behzod Abdurahmonov Osiyo o‘yinlari finaliga yo‘l oldi.
74 kg vazn toifasida ishtirok etuvchi ushbu sportchi yarim finalda yaponiyalik Yuhi Fujinamiga hech qanday imkoniyat qoldirmadi - 11:1 (8:1, 3:0).
Endi Bekzod Abdurahmonov finalda Qozog‘iston vakili Daniyar Kaysanovga qarshi gilamga chiqadi. Qozog‘istonlik sportchi yarim finalda janubiy koreyalik Gong Byungminni 12:8 hisobida mag‘lubiyatga uchratib, finalga chiqqan.
O‘zbekistonning 86 kg vazn toifasidagi vakili Rashid Qurbonov esa chorak finalda mo‘g‘ulistonlik Ordogal Uytumenga mag‘lub bo‘ldi - 2:6 (0:6, 2:0). Endi u raqibining turnirdagi keyingi ishtirokiga qarab bronza medal uchun kurashishi mumkin bo‘ladi.