Rossiya Xavfsizlik kengashi kotibi Nikolay Patrushevning ma'lum qilishicha, Suriya ssenariysi Afg‘onistonda ham takrorlanishi mumkin. Bu haqda RIA «Novosti» Patrushevning matbuot kotibi Yevgeniy Anoshinga asosan xabar bermoqda.
«Bugun Afg‘oniston hududida ushbu [Suriya] ssenariyning takrorlanish xavfi haqida gapirishimiz mumkin», - dedi Patrushev Tehronda, Afg‘onistondagi vaziyatga yechim topish bo‘yicha ko‘p tomonlama maslahatlashuvlar davomida.
Patrushevning fikricha, Afg‘onistondagi vaziyatning «tanazzulga uchrashi»ga sabablardan biri - IShID xalqaro terrorchilik guruhi faoliyati. Uning eslatishicha, 2014 yilda ko‘pchilikka IShID jangarilari Suriyadagi vaziyatga katta ta'sir ko‘rsatmayotgandek «bo‘lib tuyulgan».
Eslatib o‘tamiz, avvalroq MDHning qancha fuqarosi terrorizm uchun qidirilayotgani ma'lum bo‘lgandi.