Argentina terma jamoasining sobiq bosh murabbiyi Xorxe Sampaoli yana ishga qaytdi.
58 yoshli mutaxassis Braziliyaning «Santos» klubiga bosh murabbiy qilib tayinlandi. U jahon chempionatidagi muvaffaqiyatsizlik tufayli, Argentina terma jamoasini tark etib, 5 oy davomida ishsiz yurgan edi.
«Santos» klubi Braziliya A Seriyasining 2018 yilgi mavsumida 10-o‘rinni egalladi.
Sampaoli murabbiylik faoliyatida Peru, Ekvador, Chili klublarida, shuningdek, «Sevilya»da ishlagan. Bundan tashqari, Chili va Argentina terma jamoalarini boshqargan.