Jamiyat | 19:50 / 05.12.2021
22966
2 daqiqa o‘qiladi

Farg‘onada ovga chiqib ketib, qaytmagan fuqaroni qidirishga dron jalb etildi

Farg‘ona viloyati Qo‘shtepa tumanida 28 noyabr kuni uyidan ov qilish uchun chiqib ketgan 36 yoshli fuqaro bedarak yo‘qolgan.

Foto: Yozyovon tumani hokimligi

Yozyovon tuman hokimligi xabar qilishicha, Farg‘ona viloyati IIB navbatchilik qismiga 1 dekabr kuni tumanning «Yangiariq» mahallasi Bahor ko‘chasida yashovchi M.M. (1985 yilda tug‘ilgan) 28 noyabr kuni soat 06:30 atrofida Yozyovon tumani Yangiobod mahallasidagi suv omboriga ov qilish uchun ov quroli va o‘ziga tegishli Damas mashinasi bilan ketib, qaytib kelmagani haqida xabar kelib tushgan.

U ov quroli va Damas’da chiqib ketib, qaytmagani sabab oila a'zolari va qarindoshlari uni qidirib, suv ombori hududidan Damas mashinasini qulflangan holda, sumkasini esa suv ichidan topgan.

Foto: Yozyovon tumani hokimligi
Foto: Yozyovon tumani hokimligi

Hozirda bedarak ketgan M.M.ni topish maqsadida tuman IIBning 45 nafar, Milliy gvardiyaning 21 nafar, FVV qutqaruv guruhining 8 nafar, hokimiyatning 4 nafar, jamoatchilikning 8 nafar, jami 86 nafar vakili qidiruv ishlari olib bormoqda. Shuningdek, sakkizta qayiq, dron apparati jalb qilingan.

Foto: Yozyovon tumani hokimligi

Mavzuga oid