Joriy yilning 7 iyun kuni Turkish Airlines aviakompaniyasi samolyoti Buxoro aeroportiga kelib qo‘ndi. Aeroportda tantanali tadbir tashkil etildi.
Transport vazirligi axborot xizmati xabariga ko‘ra, aviakompaniya tomonidan Istanbul – Buxoro – Istanbul yo‘nalishida muntazam aviaqatnovlar haftaning seshanba va juma kunlari bajariladi.
Hozirda O‘zbekiston va Turkiya shaharlari o‘rtasida amalga oshirilayotgan muntazam aviaqatnovlar soni 56 taga yetdi.
Xususan, Uzbekistan Airways hamda Turkish Airlines tomonidan paritet asosida Toshkent – Istanbul – Toshkent yo‘nalishida haftasiga 17 tadan, Urganch – Istanbul – Urganch yo‘nalishida haftasiga 2 tadan, Samarqand –Istanbul – Samarqand yo‘nalishida haftasiga 4 tadan, Farg‘ona – Istanbul –Farg‘ona yo‘nalishida haftasiga 3 tadan va Buxoro – Istanbul – Buxoro yo‘nalishida haftasiga 2 tadan muntazam qatnovlar amalga oshirilmoqda.
Bundan oldin BAA kompaniyasi Samarqand va Toshkentga parvozlarni amalga oshirish uchun ruxsat olgandi.
