O‘zbekiston 7 oyda eng ko‘p Xitoydan elektromobil import qilgan.
Foto: Getty images
O‘zbekiston 2023 yilning yanvar-iyul oylarida 10 ta xorijiy davlatdan qiymati 217,1 mln AQSh dollariga 7 391 ta elektromobil import qilgan.
Statistika agentligining dastlabki ma’lumotlariga ko‘ra, elektromobillar importi o‘tgan yilning mos davri bilan solishtirilganda 6084 taga yoki qariyb 6 barobarga oshgan.
7 oyda eng ko‘p elektromobil import qilingan davlatlar orasida Xitoy birinchi o‘rinni egallab turibdi – 6 898 ta.
Ushbu ko‘rsatkich qolgan davlatlar kesimida quyidagicha ko‘rinishga ega:
- Hongkong – 376 ta;
- Germaniya – 64 ta;
- Koreya – 18 ta;
- BAA – 16 ta;
- AQSh – 11 ta.
