Yo‘lovchi tashish xizmatlarining bir martalik cheklangan tarifi 2 ming so‘m etib belgilandi.
Buxoro viloyati markazi va Kogon shahrida jamoat transporti yo‘lkira haqi oshdi.
Bu haqda viloyat hokimining «Buxoro va Kogon shaharlarida jamoat transporti tizimida yo‘lovchilar tashish tariflarini belgilash to‘g‘risida»gi qarori 3 fevral kuni imzolandi.
Qarorga asosan, Buxoro va Kogon shahrida yo‘lovchi tashuvchi jamoat transportida (avtobus va yo‘nalishli taksi) yo‘lovchi tashish xizmatlarining bir martalik cheklangan tarifi (yo‘lkira haqi) 2 ming so‘m etib belgilandi.
Avvalroq, Toshkent viloyatida avtobusda yo‘lkira narxi 1,5 ming so‘m, yo‘nalishli taksilarda 2 ming so‘m etib belgilangan edi.