Qoʻshimcha funksionallar
-
Tungi ko‘rinish
Toshkentda Qizil kitobga kiritilgan cho‘l burgutini sotayotgan shaxsga chora ko‘rildi
Joriy yilning 10 mart kuni Toshkent shahar Ekologiya boshqarmasi Yashnobod tumani bo‘limi davlat inspektorlari hamda Yangiobod bozori ma’muriyati tomonidan navbatdagi reyd tadbiri o‘tkazildi.
Foto: Ekologiya, atrof-muhitni muhofaza qilish va iqlim o‘zgarishi vazirligi
Reyd bozorda Qizil kitobga kiritilgan hayvonlarning noqonuniy savdosiga chek qo‘yish maqsadida amalga oshirildi. Tadbir davomida fuqaro S. A. tomonidan bir bosh cho‘l burguti sotilayotganligi aniqlandi.
Holat yuzasidan huquqbuzarga nisbatan MJtKning 90-moddasiga asosan ma’muriy bayonnoma rasmiylashtirilib, BHMning besh barobari — 1 million 700 ming so‘m miqdorida jarima belgilandi.
Ayni damda burgutga Toshkent hayvonot bog‘ida tibbiy yordam ko‘rsatilmoqda. Salomatligi to‘liq tiklangach, tabiat bag‘riga qo‘yib yuboriladi.
Ma’lumot uchun, cho‘l burguti zaif, qisqarib borayotgan tur sifatida O‘zbekiston Qizil kitobi, TMXIning Qizil ro‘yxati va CITEC II ilovasiga kiritilgan. Ovlash taqiqlangan.
Mavzuga oid
21:13 / 31.10.2024
Tipratikan yo‘qolib ketish arafasidagi tur sifatida Qizil kitobga kiritildi
13:08 / 05.09.2024
Yovvoyi holda o‘suvchi o‘simliklardan foydalanish tartibiga o‘zgartirish kiritildi
17:30 / 22.03.2024
Foto: Turkiston silovsini Chotqol qo‘riqxonasi kuzatuv fotoqopqoniga muhrlandi
17:43 / 18.02.2024