Husanov – yilning eng yaxshi yosh sportchisi, Do‘smatov va Keldiyorova yilning eng yaxshi sportchilari. «Milliy sport mukofoti-2024» g‘oliblari e’lon qilindi

Sportdagi yil yakunlariga bag‘ishlangan marosimda ikki karra Olimpiada chempioni Hasanboy Do‘smatov 2024 yilning eng yaxshi erkak sportchisi deb topilgan bo‘lsa, dzyudo bo‘yicha Olimpiada chempioni Diyora Keldiyorova eng yaxshi ayol sportchi sifatida e’lon qilindi. O‘zbekiston milliy jamoasi hamda «Lans» klubi a’zosi Abduqodir Husanov esa yilning eng yaxshi yosh sportchisi deb topildi. Boks bo‘yicha O‘zbekiston milliy jamoasi – navbatdagi marta 2024 yilning eng yaxshi jamoasi deya e’tirof etildi. To‘lqin Qilichev esa yilning eng yaxshi murabbiyiga aylandi.

«Milliy sport mukofoti-2024» barcha g‘oliblari va laureatlari: 

• Yilning eng yaxshi yosh sportchisi: Abduqodir Husanov (futbol)

• Yilning eng yaxshi yosh paralimpiyachisi: Asadbek Toshtemirov (para tayekvondo)
• Noolimpiya sport turlarida yilning eng yaxshi jamoasi: Shaxmat bo‘yicha O‘zbekiston milliy jamoasi
• Noparalimpiya sport turlarida yilning eng yaxshi terma jamoasi: Para shaxmat bo‘yicha O‘zbekiston terma jamoasi
• Sport targ‘iboti yo‘lidagi uzoq yillik xizmatlari uchun: Lola Abduyusupova («Sport» telekanali rejissyori)
• Yilning eng faol sport targ‘ibotchisi: Nodir To‘ychiyev («Andijon» fan-klubi)
• Yilning eng yaxshi sport fotomuxbiri: Almurat Mamadaminov (O‘zA)
• Yilning eng yaxshi sport jurnalisti: Marina Yakubova («Sport» telekanali muxbiri)
• Yilning eng yaxshi sport shifokori: Diana Sattarova (Respublika sport tibbiyoti ilmiy-amaliy markazi)
• Yilning eng yaxshi hakami: Zuhra Abdullayeva (og‘ir atletika)
• Yuksalayotgan federatsiya: O‘zbekiston kamondan otish federatsiyasi
• Yilning eng yaxshi sport tadbiri tashkilotchisi: O‘zbekiston futbol assotsiatsiyasi
• Yilning eng yaxshi sport federatsiyasi: O‘zbekiston tayekvondo WT assotsiatsiyasi
• Yilning eng yaxshi para milliy jamoasi: Para yengil atletika bo‘yicha O‘zbekiston terma jamoasi
• Yilning eng yaxshi terma jamoasi: Boks bo‘yicha O‘zbekiston milliy jamoasi
• Yilning eng yaxshi para sport murabbiyi: Yahyo Yakubov
• Muxlislar mehrini qozongan sportchi: Sitora Turdibekova (boks)
• Muxlislar mehrini qozongan para sportchi: Ro‘za Qo‘ziyeva (para pauyerlifting)
• Yilning eng yaxshi ayol paralimpiyachisi: Nurxon Qurbonova (para yengil atletika)
• Yil kashfiyoti: Razambek Jamalov (erkin kurash)
• Yilning eng yaxshi erkak paralimpiyachisi: Husniddin Norbekov (para yengil atletika)
• Yilning eng yaxshi murabbiyi: To‘lqin Qilichev (boks)
• Yilning eng yaxshi erkak sportchisi: Hasanboy Do‘smatov (boks)

• Yilning eng yaxshi ayol sportchisi: Diyora Keldiyorova (dzyudo).