Poytaxtda koronavirusga qarshi chora-tadbirlar yanada kuchaytirildi
O‘zbekiston Respublikasi Milliy gvardiyasi, Ichki ishlar vazirligi hamda boshqa hamkor vazirlik va tashkilotlar poytaxtda dezinfeksiya ishlarini amalga oshirishga kirishdi.
Milliy gvardiya xabariga ko‘ra, bu bugun, 28 mart kunidan e'tiboran koronavirus tarqalishining oldini olish maqsadida qilinmoqda.
Dezinfeksiya ishlariga Milliy gvardiya bo‘linmalari maxsus texnikalari jalb qilingan bo‘lib, ishlar Toshkent shahri bo‘ylab – ko‘chalar, odamlar gavjum bo‘ladigan jamoat joylari, savdo markazlari, davlat idoralari va tashkilotlari atrofi hamda poytaxtga kirish va chiqish postlarida amalga oshirilyapti.